Vreari agiună
Inima-adună,
Gailelu mari
Ș-dorlu cu ea.

Vindits arana,
Dultsea mea vreari,
Aduts tu bană
Haraua ta.

Îmsheată vreari,
Di malmâ visteari,
Ti-aspun tu canticu
Duruta mea.

Nidipisitâ,
Di tuts duchitâ,
Tu cărtsâ-anyrâpsitâ,
Și-tu bana mea.

U portu tu suflitu,
Vrearea mea bună,
Pirmithi s-nji-aspunâ
Și io s-cântu ti ea.

Vreari chischinâ,
Niorii i-avinâ,
S-aduts lunjinâ
Tu bana mea.

‘Mplini di harauâ
Tuts tsi ti poartâ,
S-daima alavdata
Hi vrearea mea.

Ah tini vreari
Dultsi cripari
Ini hi aveari
Îmshata mea

Scumpă icoană
Ti cafts anchinari
S-nu aduts dureari
Tu bana mea.

Vreari curată
Hi alâvdată,
Di tuts cântată
Pi limba ta.

Vreari agiună
Inima-adună,
Gailelu mari
Ș-dorlu cu ea.